Trump-Putin, çka ndodhi në takimin që s’ka marrëveshje?

Disa orë më parë, Donald Trump dhe Vladimir Putin u larguan nga samiti në Alaskë pa arritur një marrëveshje për t’i dhënë fund luftës në Ukrainë.

Çfarë ndodhi, sipas BBC:

Mikpritje e ngrohtë për Putinin: Të dy liderët zbritën nga avionët e tyre në Anchorage pak pas orës 11:00 sipas kohës lokale. U shtrua tapeti i kuq dhe ndanë një shtrëngim duarsh të gjatë. Putin u pa duke buzëqeshur teksa ai dhe Trump u larguan me “The Beast”, makina presidenciale amerikane.

‘Në kërkim të paqes’: Takimi mes liderëve zgjati tre orë, me dy këshilltarë kyç që iu bashkuan secilit president. Ndërkohë në Ukrainë, Presidenti Zelensky përsëriti se Kievi duhet të përfshihet në bisedimet për të ardhmen e tij, pasi ishte përjashtuar nga ato të së premtes – pra, kush ishte realisht në tryezë?

Një konferencë jo-konferencë: Pa shumë paralajmërim, gazetarët u mblodhën për një konferencë për shtyp që u prezantua si e përbashkët. Trump i bëri shenjë Putinit të fliste i pari, më pas dha disa komente të shkurtra vetë. Asnjëri prej presidentëve nuk pranoi pyetje.

Pak fjalë për Ukrainën: Putin mbajti një fjalim të gjatë, por përmendi shumë pak Ukrainën, përveçse tha se ishte “sinçerisht i interesuar” për t’i dhënë fund konfliktit.

Pa marrëveshje: Trump u tha gazetarëve se ende kishte pika mosmarrëveshjeje dhe se “nuk ka marrëveshje, derisa të ketë marrëveshje”. “Nuk arritëm deri atje”, shtoi ai, megjithëse pati përparim. Një orë më vonë, presidentët u kthyen në avionët e tyre dhe u larguan. Në një intervistë për Fox News, Trump i bëri thirrje Zelenskyt të “arrijë një marrëveshje”.