E rëndë: Gruaja e gjen pa shenja jete burrin

Një ngjarje e rëndë ka tronditur sot Gjilanin. Një burrë 53-vjeçar është gjetur i vdekur në shtëpinë e tij në rrugën “Luma”.

Sipas burimeve të Sinjalit, viktima është Defrim Zylfijaj rreth 53-vjeçar. Trupi i tij është zbuluar nga bashkëshortja, e cila rreth orës 08:00 ka njoftuar policinë se e kishte gjetur të shtrirë në shtrat, pa shenja jete.

Në vendin e ngjarjes kanë dalë njësitë policore, forenzika dhe ekipi i ndihmës së shpejtë, të cilët kanë konstatuar vdekjen. Me urdhër të Prokurorit të Krimeve të Rënda, trupi i pajetë është dërguar në Institutin e Mjekësisë Ligjore për obduksion, ndërsa rasti është proceduar për hetime.