Gruaja rrah ish-burrin në qendër të qytetit
Një rast i dhunës mes ish-bashkëshortëve është shënuar mbrëmjen e së premtes në veri të Mitrovicës.
Burime të Sinjalit bëjnë të ditur se rasti ka ndodhur rreth orës 18:00 në rrugën “Krajl Petar”, ku e dyshuara D. B. rreth 48-vjeçare ka sulmuar ish-bashkëshortin e saj, V. B. rreth 48-vjeçar.
Ngjarja është vërejtur nga një njësi policore që ndodhej në pikën vëzhguese në qendër të qytetit, e cila ka ndërhyrë menjëherë dhe ka shoqëruar palët në stacion policor.
Pas intervistimit në prani të hetuesit të dhunës në familje dhe konsultimit me Prokurorin kujdestar, rasti është cilësuar si “Sulm”.
Hetimet mbi rastin po vazhdojnë.
