Aksident i rëndë në Elbasan – Dy të lënduar pas përplasjes së dy automjeteve

Një aksident rrugor ka ndodhur pasditen e sotme në aksin Elbasan-Cërrik, pranë kryqëzimit të Jagodinës, duke shkaktuar panik te kalimtarët.

Dy automjete u përplasën me njëra-tjetrën, ndërsa njëri prej tyre përfundoi në kanalin me ujë pranë rrugës.

Si pasojë e përplasjes, dy persona mbetën të plagosur dhe u transportuan menjëherë për ndihmë mjekësore në spital.

Policia rrugore ka nisur hetimet për të përcaktuar shkaqet e aksidentit, ndërkohë që drejtuesit e tjerë dhe banorët janë të alarmuar nga incidentet e përsëritura në këtë aks të rëndësishëm.