Ishin në restorant - Pasi shkuan në shtëpi, burri rrahu gruan

regjistruar në orët e para të mëngjesit të sotëm në fshatin Dubovë të Pejës.

Burime të Sinjalit brenda Policisë bëjnë me dije se rreth orës 00:30, është raportuar një konflikt mes bashkëshortëve B.H. dhe V. H.

Sipas dëshmisë së viktimës, gjithçka kishte nisur në një aheng familjar në restorantin “Grand Antika” afër Deçanit, ku i dyshuari kishte hyrë dhe pas një konflikti verbal, tensionet ishin zhvendosur në shtëpinë e tyre në Dubovë. Atje, sipas viktimës, ai e kishte kapur për flokë.

E njëjta ka treguar para policisë se bashkëshorti posedon edhe një armë zjarri. Me pëlqimin e tij, është kryer bastisja në shtëpi dhe është konfiskuar një pistoletë e tipit Zastava kalibër 6.35 mm, një karikator dhe katër fishekë.

Edhe pse refuzoi trajtimin mjekësor, viktima është liruar pas intervistimit, ndërsa 44-vjeçari është arrestuar dhe me urdhër të Prokurorit është ndaluar për 48 orë.

Rasti po hetohet për veprat penale “Dhunë në familje” dhe “Mbajtje në pronësi, kontroll ose posedim të paautorizuar të armës”