Anjeza Tahiri kandidate për Asamblenë Komunale në Mitrovicë
Anjeza Tahiri nga Aleanca për Ardhmërinë e Kosovës do të jetë numri 2 i partisë në zgjedhjet lokale të Mitrovicës.
Anjeza e cila është studente e nivelit master, do të jetë kandidate për Asamblenë Komunale.
Më poshtë postimi i saj:
Të nderuar qytetarë, miq e familjarë,
Unë jam Anjeza Tahiri, studente në nivelin master pranë Fakultetit “Isa Boletini” në drejtimin Inxhinieri e Teknologjisë Ushqimore, dhe jam numri 2 në listën e AAK-së për Asamblenë Komunale në Mitrovicë.
Si pjesë e brezit të ri të qytetit tonë, synoj të sjell energji të re dhe profesionalizëm, duke vënë në shërbim të komunitetit njohuritë e mia në fushën e teknologjisë ushqimore, të cilat ofrojnë mundësi të mëdha për të përmirësuar drejtpërdrejt jetën e qytetarëve.
Jam këtu për t’ju dëgjuar dhe për të punuar së bashku. Kërkoj mbështetjen tuaj, sepse vetëm së bashku mund t’i arrijmë qëllimet tona!
Faleminderit për besimin dhe përkrahjen!
E juaja,
Anjeza Tahiri, AAK Mitrovicë, Nr. 2
