Po ngarkohet kamioni me produkte 100% të Kosovës, destinacion Gjermania

Nga Kosova po niset një kamion i mbushur me produkte vendore 100% bio, mes tyre domate, tranguj dhe produkte të tjera bujqësore të freskëta.

Ngarkesa është duke u përgatitur për t’u transportuar drejt qytetit Augsburg në Gjermani, ku një market i një biznesmeni kosovar do t’i presë dhe do t’i shpërndajë për konsumatorët.

Ky hap është një dëshmi e rritjes së kërkesës për prodhimet vendore në tregun evropian dhe një mundësi e artë për fermerët dhe prodhuesit kosovarë që t’i promovojnë produktet e tyre jashtë vendit.