E ofendoi në TikTok, e kanosi në qytet – 39 vjeçari dyshohet për dhunë ndaj ish-gruas

Një rast i rëndë i dhunës në familje është raportuar në Pejë, ku një grua ka denoncuar ish-bashkëshortin e saj për ofendime publike dhe kanosje.

Burime të Sinjalit bëjnë të ditur se viktima është J.K., rreth 31-vjeçare, e cila ka qenë e martuar për 13 vite me të dyshuarin B. D., rreth 39-vjeçar, por është ndarë nga ai që prej vitit 2022.

Sipas saj, më 19 gusht, rreth orës 22:00, i dyshuari publikoi në rrjetin social TikTok disa fotografi të saj, duke shkruar përshkrime fyese. Pas kësaj, ajo kishte shkuar në Pejë për ta takuar, por në afërsi të Gjykatës Themelore ndodhi edhe përplasja e rëndë, B.D, e kapi për dore dhe e kanosi.

Hetuesit kanë intervistuar të dyshuarin, ndërsa me urdhër të Prokurorit, ndaj tij rasti është iniciuar si “Dhune në familje” ndërsa hetimet vazhdojnë.