22 vjeçarja raporton burrin për dhunë fizike
Një tjetër rast i dhunës në familje ka tronditur një familje në Pejë. Një grua e re ka raportuar se është sulmuar nga bashkëshorti i saj dhe pas disa ditësh në arrati, ai ka përfunduar në prangat e Policisë.
Burime të Sinjalit bëjnë të ditur se viktima është E. P, 22-vjeçare, e cila më 15 gusht, pas mesnate, denoncoi dhunën e ushtruar ndaj saj.
Policia nisi kërkimet për të dyshuarin I.B., rreth 26-vjeçar, i cili fshihej prej ditësh, por më 20 gusht ai u lokalizua dhe u arrestua nga hetuesit.
I dyshuari u mor në pyetje dhe, me urdhër të Prokurorit , është dërguar në ndalim për 48 orë.
Hetimet për zbardhjen e plotë të rastit janë duke vazhduar.
