Kjo është gjendja shëndetësore e të lënduarve nga aksidenti ku mbeti i vdekur një person
Një aksident i rëndë trafiku mes një veture dhe një autobusi, që ndodhi mëngjesin e sotëm në Dollc të Klinës, i mori jetën një personi.
Pesë pasagjerë të autobusit kanë pësuar lëndime trupore dhe kanë marrë tretman mjekësor në Spitalin e Përgjithshëm të Pejës, raporton podujevasot.net.
Në njoftimin e parë, Spitali konfirmoi se viktima – shoferi i automjetit – ishte dërguar në spital pa shenja jete, ndërsa pesë pasagjerët e autobusit nisën trajtimin mjekësor.
Pak më parë u bë e ditur se katër nga pesë të lënduarit, pasi morën trajtimin e nevojshëm, janë lëshuar në gjendje stabile shëndetësore, raporton podujevasot.net.
Ndërkohë, një pacient tjetër vazhdon të trajtohet në repartin e Kirurgjisë.
Komunikatë e dytë për aksidentin në fshatin Dollc të Klinës!
Spitali i Përgjithshëm në Pejë njofton opinionin publik se nga pesë pacientët e pranuar pas aksidentit trafiku në fshatin Dollc të Klinës, katër kanë marrë trajtimin e duhur dhe janë lëshuar në gjendje stabile shëndetësore.
Një pacient tjetër po trajtohet në repartin e Kirurgjisë, ku është nën kujdesin e ekipeve mjekësore dhe ndodhet jashtë rrezikut për jetë.
