Kanoset inspektorja e tregut, ky është i dyshuari

Një rast kanosjeje ndaj personit zyrtar është raportuar sot në Skenderaj.

Burime të Sinjalit bëjnë të ditur se inspektorja e tregut në Kuvendin Komunal të Skenderajt, Antigona Miftari, rreth 30-vjeçare, është kanosur dhe fyer nga Shaban Rexhepi, rreth 51-vjeçar.

Ngjarja ka ndodhur sot rreth orës 11:00 në zyrën e saj, vetëm dy ditë pasi inspektorët i kishin shqiptuar Rexhepit një gjobë prej 2000 eurosh në lokalin e tij, për mosvendosjen e çmimeve në artikuj.

Pas denoncimit, i dyshuari është shoqëruar në polici, ku është intervistuar, por me urdhër të prokurorit është liruar në procedurë të rregullt.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.