Familja kosovare aksidentohen në Austri, përfundojnë të gjithë në spital

Një familje nga Kosova është aksidentuar rëndë mëngjesin e sotëm, në autostradën pranë Spital am Pyhrn, në Austri.

Siç raportojnë mediat austriake, makinën po e drejtonte gruaja 39-vjeçare, që doli nga autostrada, u kthye djathtas, dhe u përplas me parmakun mbrojtës të rrugës.

Në veturë ndodheshin edhe bashkëshorti i saj, 49-vjeçar, si dhe dy fëmijët: 9 dhe 15 vjeç, transmeton IndeksOnline.

Shoferët e tjerë pasues telefonuan shërbimet e urgjencës dhe ofruan ndihmën e parë.

Të gjithë pasagjerët pësuan lëndime trupore dhe, pas trajtimit fillestar, u dërguan në Klinikën Pyhrn-Eisenwurzen në Kirchdorf.