E fundit: Kaq janë pritjet në pikat kufitare për dalje nga Kosova

Qytetarët që po udhëtojnë jashtë vendit po përballen me pritje të gjata në disa pika kufitare të Kosovës, kryesisht në dalje, raporton PodujevaSot.net.

Sipas të dhënave të fundit, kolona më e gjatë është regjistruar në pikën kufitare Merdarë, ku pritjet për dalje arrijnë deri në 90 minuta, ndërsa kolona e automjeteve shtrihet deri në 1000 metra.

Në Muçibabë, pritjet për dalje janë rreth 60 minuta, me kolonë që arrin deri në 500 metra, ndërsa në Bërnjak dhe Dheu i Bardhë, pritjet shkojnë deri në 30 minuta, me kolona prej 300 dhe 200 metrash respektivisht, raporton PodujevaSot.net.

Gjendja në Hanin e Elezit dhe Jarinje paraqitet më e qetë, me pritje minimale ose të lehta në dalje.

Autoritetet kufitare u bëjnë thirrje qytetarëve që të planifikojnë udhëtimet dhe të shfrytëzojnë pikat alternative për të shmangur pritjet e gjata.