E mitura dyshohet se u shfrytëzua seksualisht nga një burrë

Një rast i rëndë është raportuar në Gjilan, ku një e mitur ka deklaruar në polici se gjatë muajit korrik të këtij viti ishte takuar me një burrë, i cili dyshohet se e ka shfrytëzuar seksualisht.

Policia njofton se menjëherë pas raportimit, është arrestuar i dyshuari dhe, me vendim të prokurorit kujdestar, është dërguar në qendrën e mbajtjes për 48 orë.

Sipas raportit zyrtar, viktima kishte lajmëruar se gjatë mesit të muajit korrik ishte takuar me të dyshuarin, i cili më pas e kishte shfrytëzuar seksualisht.

Hetimet lidhur me këtë rast po vazhdojnë.