Ne gjendje të dehur dyshohet se sulmoi të dashurën, arrestohet një burrë

Policia e Kosovës ka arrestuar një person nën dyshimin për dhunë në familje.

Në bazë të raportit ditor të policisë, i dyshuari në gjendje të dehur ka sulmuar fizikisht të dashurën me të cilën bashkëjetonte.

Ngjarja u regjistrua në Prishtinë më 22.08.2025. I dyshuari është arrestuar për dhunë në familje.

Gruaja në këtë rast ka pranuar edhe tretman mjekësor dhe është dërguar përkohësisht në strehimore.

Në lidhje me rastin është njoftuar edhe prokurori i shtetit.

Me vendim të prokurorit, i dyshuari është dërguar në mbajtje për 48 orë ndërsa rasti po vazhdon të trajtohet edhe më tutje.