Kontrabandë në këtë fshat të Podujevës

Një rast i kontrabandës së kafshëve është zbuluar në fshatin Dumnicë të Podujevës, ku një person dyshohet se ka hyrë ilegalisht në territorin e Republikës së Kosovës nga Serbia me një kamion të ngarkuar me gjedhe.

Rasti ka ndodhur më 22 gusht, rreth orës 07:28, transmeton Telegrafi.

“Më datën e lartcekur i dyshuari mashkull kosovar, duke shfrytëzuar rrugët ilegale kalon vijën kufitare nga Serbia në Republikën e Kosovës me kamionin e tij të ngarkuar me gjedhe (pesë copë). Njësitë policore së bashku me Inspektorët e AUV-it kanë hasur të dyshuarin së bashku me kamionin me ngarkesë me gjedhe të cilat ishin të pa matrikuluara dhe nuk dihet origjina e tyre”, thuhet në njoftim.

Me vendim të prokurorit, kamioni dhe gjedhet janë sekuestruar dhe dorëzuar në terminalin doganor, ndërsa i dyshuari lirohet në procedurë të rregullt.