“Tri herë kundër UÇK-së”, Tahiri komenton tri propozimet e LVV-së për kryetar Kuvendi
Deputeti i Partisë Demokratike të Kosovës ka reaguar sot lidhur me kandidaturat e Lëvizjes Vetëvendosje për kryetar të Kuvendit.
Tahiri në një postim në Facebook shkruan se LVV ka propozuar kandidatë për kryetar të Kuvendit që siç thotë “mbajnë rekord të zi ndaj Ushtrisë Çlirimtare të Kosovës”.
Lexoni të plotë postimin e tij:
Deri sot, LVV ka propozuar për kryetar të Kuvendit tre kandidatë që mbajnë rekord të zi ndaj Ushtrisë Çlirimtare të Kosovës:
Albulena Haxhiu dhe grupi parlamentar i LVV-së kanë miratuar Ligjin për themelimin e Institutit për Hetimin dhe Hulumtimin e Krimeve të Luftës, duke zgjatur afatin e këtyre hulumtimeve deri më 31 dhjetor 2000. Po kush ka luftuar në Kosovë pas qershorit 1999?! Pra, veteranët e UÇK-së mund të ndiqen për krime lufte deri më 31 dhjetor 2000, sipas ligjit të Albulenës – pikërisht ashtu siç do Serbia. Ky është shërbimi më i madh që i është bërë Serbisë.
Donika Shvarc ka treguar vetë se ka bërë hetime personale, ka fabrikuar dosje për krerët e UÇK-së (me siguri bashkë me prokurorë serbë) dhe thotë se i ka dorëzuar pranë Gjykatës, duke u mburrur vetë me këtë veprim.
Hekuran Murati i ka përjashtuar nga paga minimale tri kategoritë më të lavdishme të shoqërisë sonë:
Veteranët e UÇK-së
Familjet e Dëshmorëve
Invalidët e UÇK-së
Po duket se të gjithë pe dimë se kush do të jetë nesër kandidati i radhës.
