Kurti: Vota e diasporës vendimtare për komunat në Zgjedhjet Lokale

Kryetari i Lëvizjes Vetëvendosje, Albin Kurti, ka bërë thirrje për angazhim të diasporës në zgjedhjet lokale që do të mbahen më 12 tetor në Kosovë.

Në një video të publikuar në Facebook, Kurti ka theksuar rëndësinë e votës së mërgatës, duke përmendur kontributin e saj vendimtar në zgjedhjet qendrore të shkurtit, ku VV doli forcë e parë në 22 komuna.

“Tani, me zgjedhjet lokale që po afrojnë, le t’i bëjmë komunat anembanë Kosovës shembull të qytetarisë, të zhvillimit dhe të qeverisjes sonë të mirë”, tha ai, duke shtuar:

“Me votën tuaj, komunat do të kenë njerëz të ndershëm e të përkushtuar që punojnë për qytetarët, duke larguar njëherazi nga pushteti klanet dhe ata që i shohin komunat si pronë private.”