Tragjedia që ndodhi në Paksos ka lënë të shokuar familjen shqiptare dhe gjithë komunitetin lokal. Viktima është vogëlushja Amelia, vetëm 4 vjeçe, e cila humbi jetën pasi u mbyt në pishinën e një vile pranë shtëpisë së saj, raporton PodujevaSot.net.

Ngjarja e rëndë ndodhi të premten pasdite, më 22 gusht, kur Amelia kishte dalë nga shtëpia pa u vënë re nga prindërit dhe gjyshi. Nëna e saj ndodhej në banjë duke u përgatitur për punë, ndërsa babai dhe gjyshi nuk e kishin kuptuar se ajo kishte dalë jashtë.

Pas një kërkimi të gjatë, trupi i pajetë i 4-vjeçares u gjet në pishinën e një vile afër nga një kuzhinier, i cili alarmoi autoritetet dhe ekipet mjekësore. Pavarësisht tentativave për ta ringjallur, e vogla nuk arriti të mbijetojë, raporton PodujevaSot.net.

Autoritetet greke kanë arrestuar prindërit dhe gjyshin e vajzës, të cilët do të dalin para prokurorit në Korfuz më 25 gusht për t’u përgjigjur lidhur me akuzat për ekspozimin e fëmijës ndaj rrezikut.

Dhimbja e familjes është e papërshkrueshme, ndërsa komuniteti shqiptar në Paksos është bashkuar në ngushëllime për humbjen e vogëlushes Amelia, raporton PodujevaSot.net.

Lexo edhe: E dhimbshme: 4 vjeçarja shqiptare humb jetën në pishinë