Kryetari i Zveçanit urdhëron heqjen e fotografisë së Mlladiq

Kryetari i Komunës së Zveçanit, Ilir Peci, ka njoftuar se ka marrë vendim për heqjen e fotografisë së Ratko Mlladiqit, e cila ishte vendosur në një nga muret e objekteve publike të Zveçanit.

Peci tha se ky vendim ka për qëllim eliminimin e çdo simboli të dhunës dhe urrejtjes nga hapësirat publike dhe garantimin që Zveçani të mbetet një vend paqeje dhe harmonie për të gjithë banorët, pa dallime kombëtare apo etnike.

“Ky vendim është një mesazh i qartë dhe i fortë: glorifikimi i krimeve të luftës dhe nxitja e urrejtjes nuk ka vend në qytetin tonë. Zveçani është një qytet i pasur me diversitet dhe ne e vlerësojmë çdo individ, pa marrë parasysh kombësinë ose origjinën e tij,” ka shkruar kryetari Peci në Facebook.