Ekskluzive: Ky është i riu që dhunoi dhe torturoi 19 vjeçaren në Fushë Kosovë
Gazeta Sinjali ka siguruar ekskluzivisht identitetin e personit të dyshuar për rastin tronditës që ka ndodhur më 19 gusht 2025 në Fushë Kosovë, ku një vajzë 19 vjeçare ka përjetuar momente tmerri nga duart e ish-të dashurit të saj.
Burimet e Sinjalit bëjnë të ditur se bëhet fjalë për Liridon Hysenin rreth 31-vjeçar, i cili sipas hetimeve dyshohet se nën kërcënimin e një thike e ka detyruar viktimën A.F. rreth 19-vjeçare të shkojë me të deri në një motel në fshatin Uglar të Graçanicës.
Aty, sipas dëshmisë së saj, ai e kishte mbajtur me forcë, e kishte goditur brutalisht me grushta, shkop druri dhe thikë, duke i shkaktuar plagë të shumta në trup dhe fytyrë, dhe më pas kishte kryer marrëdhënie seksuale pa pëlqimin e saj.
Viktima është dërguar në QKUK – Prishtinë, ku po trajtohet për lëndimet e rënda trupore dhe traumat që ka pësuar.
Policia, pas veprimeve intensive, arriti ta lokalizojë dhe arrestojë Hysenin. Gjatë kontrollit, tek ai u gjetën 3.12 gramë kokainë, ndërsa në banesë iu sekuestrua një armë zjarri e tipit Crvena Zastava 9mm, një karikator dhe 10 fishekë.
