Aksident trafiku në Prishtinë, një person i lënduar
Sot, rreth orës 12:30, është raportuar për një aksident trafiku në rrugën “Fadil Vata” në Prishtinë, ku janë përfshirë një veturë dhe një motoçikletë.
Lajmin për RTKlive e ka konfirmuar zëdhënësi i Policisë së Kosovës për rajonin e Prishtinës, Enis Pllana.
Ai tha se si pasojë e aksidentit, një person ka pësuar lëndime trupore dhe ka marrë tretman mjekësor.
“Në aksident janë përfshirë një veturë dhe një motoçikletë. Si pasojë është lënduar një person, i cili ka pranuar tretman mjekësor”, tha Pllana për RTKlive.
