Xheneta Venhari i bashkohet listës së PDK-së për Asamble

Kryetari i Vushtrrisë, Ferit Idrizi, ka prezantuar sot kandidaten më të re të listës së tij për Kuvendin e Komunës, zonjën Xheneta Venhari.

Venhari ka përfunduar studimet bachelor në Gjuhë dhe Letërsi Gjermane në Universitetin “Ukshin Hoti”, ndërsa është në përfundim të studimeve master në të njëjtin drejtim. Shkollimin e mesëm e ka kryer në Medresenë “Alauddin”.

Ajo punon si mësimdhënëse e gjuhës gjermane në SHMU-1 dhe njëkohësisht njihet për aktivizmin e saj në fushën e lirive dhe të drejtave të njeriut.

Në zgjedhjet e fundit parlamentare ka qenë kandidate për deputete nga Koalicioni për Familjen.

Fushat ku synon të angazhohet në Kuvendin e Komunës janë arsimi, kultura dhe aktivizmi në komunitet.