Ekskluzive: Thaçi me kërkesë të re ndaj Speciales, ja se çka thuhet

Mbrojtja e ish-presidentit Hashim Thaçi ka depozituar më 18 gusht një kërkesë të re në Gjykatën Speciale, me qëllim heqjen e aktakuzës së re që e ngarkon atë për pengim të drejtësisë.

Në këtë kërkesë drejtuar Apelit, mbrojtja kërkon anulimin e vendimit të mëparshëm të gjykatës dhe të deklarojë se gjykatësi paraprak nuk kishte kompetencë për nxjerrjen e aktakuzës së re.

Argumenti kryesor i mbrojtjes është se Prokuroria Speciale ka nisur procedurat në mënyrë të njëanshme, vetëm para një gjykatësi, duke anashkaluar Panelin e Gjyqtarëve, i cili ka kompetenca ekskluzive për mbikëqyrjen e çështjeve që lidhen me gjykimin e drejtë ndaj Thaçit.