LAJMI I FUNDIT: Gjendet pa shenja jete një grua 47 vjeçare

Në vendin tonë, jo rrallë herë raportohet për raste të vdekjeve, ku persona të moshave të ndryshme gjenden pa shenja jete në shtëpitë e tyre, apo apartamentet ku jetojnë. E këto raste bëhen akoma më të rënda, kur viktimat vdekja i gjenë pa asnjë person pranë vetes, pasi kanë jetuar të vetëm, raporton Gazeta Sinjali.

Një ngjarje e tillë ka ndodhur sot në Gjilan, ku një grua është gjetur e vdekur në shtëpinë e saj, duke tronditur familjarët dhe fqinjët.

Burimet bëjnë të ditur se viktima është rreth 47-vjeçare, e cila jetonte e vetme në një shtëpi në rrugën “Binaze Kacabashi”.

Rasti është raportuar në Polici nga një familjar, i cili kishte tentuar ta kontaktonte me telefon, por pasi nuk ishte përgjigjur, kishte shkuar në shtëpinë e saj. Atje, ai e gjeti të shtrirë në krevat, pa shenja jete dhe menjëherë njoftoi autoritetet.

Rasti është cilësuar si “Vdekje e dyshimtë”, ndërsa hetimet janë duke vazhduar për të zbuluar shkaqet dhe rrethanat e kësaj ngjarjeje.