Muçiqi bashkë me kryetarin e PDIU, Shpetim Idrizin zbarkojnë në Prekaz

Një fustanellë e veçantë, e punuar me dorë tërësisht në filigran dhe me shumë kujdes, është dorëzuar në Kullën e Jasharëve në Prekaz, si shenjë nderimi dhe lidhjeje mes Çamërisë dhe sakrificës së familjes Jashari.

Lajmin e ka bërë të ditur kandidati për Asamblenë Komunale të Podujevës nga radhët e PDK-së, Nexhmi Muçiqi, i cili njëherësh është edhe kryetar nderi i Shoqatës “Çamëria Kosovë”.

Sipas tij, fillimisht Shoqata kishte diskutuar që dhurata t’i dorëzohej Kullës së Jasharëve, mirëpo kryetari i PDIU-së, Shpëtim Idrizi, kishte sugjeruar që fustanella të mbetej për Shoqatën, ndërsa për komandantin legjendar Adem Jashari të përgatitej një tjetër enkas.

“Pas një organizimi me degët nga të gjitha trojet shqiptare dhe me prezencën e kryetarit Idrizi, fustanella u dorëzua në Kullën e Qëndresës. Që nga ajo ditë, edhe Çamëria qëndron krenare në muzeun e Kullës së Jasharëve,” ka thënë Muçiqi.

Ai ka shprehur mirënjohje për të gjithë ata që kontribuan në këtë nismë simbolike dhe historike.