Fëmijët që regjistrohen në shkolla dhe çerdhe duhet të kenë dëshmi vaksinimi

Autoritetet kanë njoftuar se, në përputhje me legjislacionin në fuqi për parandalimin e sëmundjeve ngjitëse dhe udhëzimet administrative për regjistrimin e fëmijëve në institucionet arsimore dhe parashkollore, çdo fëmijë që regjistrohet në çerdhe, kopshte apo shkolla fillore duhet të pajiset me dëshmi vaksinimi.

Kjo masë synon të mbrojë shëndetin e fëmijëve dhe komunitetit shkollor, duke parandaluar përhapjen e sëmundjeve ngjitëse dhe duke siguruar një mjedis të sigurt për mësim dhe edukim.

Prindërit që kanë paqartësi ose kanë nevojë për informacione shtesë, mund të drejtohen në Qendrën e Mjekësisë Familjare më të afërt për këshillim.

Autoritetet theksojnë se mbrojtja e shëndetit të fëmijëve mbetet përgjegjësi e përbashkët.