LAJMI I FUNDIT: Kanoset Vehbi Kajtazi, arrestohet një person
Gazetari Vehbi Kajtazi ka qenë viktimë e një kërcënimi serioz nga një person 61-vjeçar, i cili për disa javë ishte në kërkim nga policia.
Ngjarja kishte ndodhur më 13 gusht, kur i dyshuari përmes rrjeteve sociale i kishte dërguar mesazh me përmbajtje kanosëse gazetarit Kajtazi.
Pas një pune hetimore të Drejtorisë për Hetimin e Krimit të Organizuar dhe Krimeve të Rënda, sot (29 gusht) rreth orës 09:20, në rrugën “Kollashniska” në Mitrovicën e Veriut, policia ka arritur ta ndalojë personin e dyshuar.
Me urdhër të Prokurorit kujdestar nga PTH Prishtinë, ndaj tij është caktuar masa e ndalimit prej 48 orësh.
