Ndërron jetë tragjikisht 24 vjeçarja në Prishtinë

Një ngjarje tronditëse ka ndodhur mbrëmë në kryeqytet, ku një e re ka humbur jetën tragjikisht në një poligon qitjeje

Sipas burimeve, viktima 24-vjeçare është plagosur me armë zjarri në pjesën abdominale rreth orës 19:20. Ajo është dërguar me urgjencë në QKUK, por përkundër përpjekjeve të mjekëve, rreth orës 22:00 ka ndërruar jetë.

Në vendin e ngjarjes kanë dalë njësitë e hetimeve rajonale dhe forenzika, ndërsa prokurori i krimeve të rënda ka udhëzuar që rasti fillimisht të trajtohet si “Vetëvrasje”.

Mirëpo, pas veprimeve të mëtejshme hetimore, me urdhër të prokurorit kompetent, është arrestuar pronari i poligonit, i cili është dërguar në ndalim për 48 orë, nën dyshimin për veprën penale “Shkaktim i rrezikut të përgjithshëm me pasojë vdekje”.