LAJMI I FUNDIT: 10 persona asfiksohen nga tymi
Një ngjarje e rëndë ka ndodhur dje në lagjen e Pajtimit në Shtime, ku një zjarr i madh ka shkaktuar dëme të konsiderueshme materiale dhe ka rrezikuar jetën e disa qytetarëve.
Sinjali mëson se rreth orës 14:20 është raportuar për zjarr, ndërsa rreth orës 14:50 në vendngjarje kanë dalë njësitë policore, zjarrfikësit, KEDS-i dhe ekipi mjekësor i QKMF-së në Shtime.
Nga zjarri janë djegur: një hangar, një veturë “Mercedes”, një veturë “Chevrolet”, shumë mjete pune, si dhe një shupë me sasi drunjsh.
Si pasojë e tymit, 10 persona janë asfiksuar, ku tre prej tyre janë dërguar për trajtim në Emergjencën e Ferizajt. Sipas mjekëve, gjendja e tyre është stabile.
Viktimat e dëmit material janë identifikuar si: Nuhi Ukzmajli rreth 59-vjeçar – me dëme rreth 1,700 euro, Islam Bajrami rreth 59-vjeçar – me dëme rreth 31,350 euro.
Me urdhër të prokurorit kujdestar, rasti është iniciuar si “Zjarrvënie”.
