Pamje +18, kamerat e sigurisë kapin momentin kur një burrë plagoset rëndë nga disa hajdutë të armatosur në Angli

Një burrë në Gloucester të Anglisë ka mbetur i plagosur rëndë pasi u sulmua nga tre persona të armatosur, dy prej të cilëve ndodheshin në motoçikleta. Ngjarja e rëndë është raportuar nga The Sun, e cila publikoi pamjet nga kamerat e sigurisë.

Pamjet tregojnë momentin kur viktima, pavarësisht se u qëllua në këmbë, arriti të rrëzonte një nga motoçikletat dhe të ndiqte sulmuesit. Në ndihmë iu bashkua edhe gruaja e tij, duke e bërë skenën edhe më dramatike, raporton PodujevaSot.net.

Ngjarja ka lënë pasoja të rënda shëndetësore dhe ekziston frika që viktima mund të humbasë njërën këmbë. Në deklaratën e dhënë në gjykatë, ai tha se siguria e familjes së tij është thyer përgjithmonë.

Gjykata në Bristol ka dënuar Simeon Bernard, 39 vjeç, me 16 vjet burgim, ndërsa Darren Atkins, 42 vjeç, me 12 vjet e 7 muaj. Policia është ende në kërkim të personit të tretë të përfshirë në këtë sulm, raporton PodujevaSot.net.