Ekskluzive: Këta janë 2 serbët që u arrestuan në Kosovë
Policia e Kosovës ka ndaluar dy persona në Leposaviq, të dyshuar për “Nxitje të urrejtjes dhe mosdurimit”, pasi po shpërndanin afishe me përmbajtje nxitëse.
Siç mëson Sinjali, rasti është regjistruar më 31 gusht rreth orës 00:30 në rrugën “24 Nëntori”, ku patrulla policore ka hasur një person duke ngjitur afishe me mbishkrimet serbe “Borise protiv Kurtijevih i svi ostali blokada” dhe “Hoću da se krećem slobodno”, që në shqip nënkuptojnë “Lufto kundër Kurtit dhe bllokadave të tjera” dhe “Dua të lëviz lirshëm”, raporton PodujevaSot.net
Të ndaluarit janë identifikuar si Dejan Vukovljeviq (23 vjeç) dhe Mladen Milanoviq (31 vjeç). Ata u kapën pranë një veture Audi të zezë, ku nuk u gjetën sende të dyshimta, por afër saj policia gjeti afishe të tjera të njëjta, raporton PodujevaSot.net
Dy të dyshuarit janë shoqëruar në Stacionin Policor të Leposaviqit, ndërsa Prokuroria Speciale ka urdhëruar që rasti të procedohet në procedurë të rregullt me akuzën “Nxitje e urrejtjes dhe mosdurimit”.
