Video e frikshme në Turqi: Jahti luksoz milionësh, fundoset pas 15 minutash që u nis në det
Një superjaht luksoz me vlerë gati 1 milion dollarë është fundosur vetëm 15 minuta pas nisjes së tij të parë në det, pranë brigjeve të Zonguldakut në Turqi.
Jahti rreth 85 këmbë i gjatë, i quajtur “Dolce Vento”, kishte dalë për herë të parë në ujë pas dërgimit nga Stambolli tek pronari i tij. Mirëpo, aventura luksoze zgjati shumë pak, pasi mjeti lundrues u anua papritur dhe nisi të fundosej, ndërkohë që skena është filmuar nga dëshmitarë në vendngjarje.
Në bord ndodheshin pronari, kapiteni dhe dy anëtarë të ekuipazhit, të cilët panë të detyruar të hidheshin në det për të shpëtuar. Për fat të mirë, ata arritën të notonin deri në breg pa lëndime.
Autoritetet turke pezulluan zonën dhe nisën operacionet e shpëtimit dhe hetimit, duke dyshuar se shkaku i fundosjes mund të ketë qenë një problem me stabilitetin e jahtit.
Ky incident ka ngritur pikëpyetje mbi standardet e sigurisë në ndërtimin e mjeteve lundruese luksoze. Kujtojmë se vetëm pak javë më parë, një superjaht tjetër, i quajtur Bayesian, u fundos pranë brigjeve të Italisë, ku pati edhe viktima.
Ngjarja në Turqi fatmirësisht nuk shkaktoi humbje jete, por u bë lajmi kryesor i ditës në mediat ndërkombëtare, për shkak të vlerës së jahtit dhe faktit se fundosja ndodhi vetëm pak minuta pas nisjes së parë.
Brand new luxury yachts SINKS in SECONDS
The $1 million Dolce Vento capsized moments after its launch in Eregli, Turkey
Captain, crew, and unlucky owner forced to abandon ship and swim to shore pic.twitter.com/loboYP7YqM
— RT (@RT_com) September 3, 2025
