53 vjeçarja goditet nga vetura, në gjendje të rëndë në QKUK

Një aksident i rëndë trafiku është regjistruar herët në mëngjesin e sotëm në rrugën “Shqipëria” në Lipjan, ku një këmbësore ka mbetur e lënduar rëndë pasi u përplas nga një automjet.

Aksidenti ka ndodhur rreth orës 06:50, kur një veturë ka goditur këmbësoren. Viktima është dërguar me autoambulancë në QKUK – Emergjencë në Prishtinë, ku pas ekzaminimeve është konstatuar se ka pësuar lëndime të rënda, por ndodhet në vetëdije dhe po vazhdon trajtimin mjekësor.

Në vendin e ngjarjes kanë dalë njësitë policore, të cilat kanë kryer ekzaminimet e nevojshme dhe kanë informuar Prokurorin kujdestar të Shtetit. Me urdhër të tij, shoferi i automjetit është ndaluar në mbajtje.

Rasti është cilësuar si “Aksident komunikacioni rrugor me lëndime të rënda trupore”.