Rrahje mes nxënësve, dy 13 vjeçarë përfundojnë në spital
Një incident i rëndë është shënuar sot paradite në ambientet e një shkolle fillore në Prishtinë, ku disa nxënës janë përfshirë në një rrahje.
Sinjali njofton se ngjarja ka ndodhur në shkollën fillore “Hilmi Rakovica”, ku dy nxënës të dyshuar kanë sulmuar fizikisht bashkëmoshatarët e tyre.
Të miturit kanë pësuar lëndime trupore dhe kanë marrë tretman mjekësor pas incidentit.
Policia ka marrë në pyetje të dyshuarit. E.H është intervistuar në prani të prindit, ndërsa K.H në prani të prindit dhe avokatit mbrojtës.
Pas konsultimit me Prokurorin kujdestar, është iniciuar rasti penal për veprën “Lëndim i lehtë trupor”, ndërsa i dyshuari K.H është dërguar në mbajtje për 24 orë.
