Subvencionet për nxënësit: Lajm i mirë për disa, por shqetësime për të tjerët

Shkollat fillore në Prishtinë kanë përmbyllur me sukses procesin e subvencionimit për nxënësit që kanë aplikuar për tekste dhe pajisje mësimore.

Në shkollën “Ismail Qemali” janë 307 nxënës në klasat e para dhe 110 në parashkollore. Drejtoresha Mimoza Krasniqi tha se subvencionimi është miratuar për të gjithë prindërit që kanë aplikuar, raporton PodujevaSot.net.

Edhe në shkollën “Dardania” procesi është vlerësuar i suksesshëm. Drejtori Afrim Gashi tha se metoda e re e furnizimit ka lehtësuar punën, por mbeten probleme me librat e kthyer nga vitet e kaluara.

Sipas tij subvencioni prej 80 eurosh nuk mjafton për të mbuluar nevojat shkollore, sidomos me rritjen e çmimeve të materialeve, raporton PodujevaSot.net.