Shembet një pjesë e një marketi në Gjermani, ka të lënduar

Tre persona janë lënduar pas shembjes së pjesëve të çatisë së një supermarketi në jugperëndim të Gjermanisë, tha policia të dielën.

Sipas mediave të huaja, përcjell Telegrafi, bëhet fjalë për një ngjarje në qytetin e vogël Lauchringen në shtetin e Baden-Württemberg, ku njëri nga të lënduarit është në gjendje të rëndë dhe është ende në spital, tha policia.

Gratë e lënduara po bënin pazar kur ndodhi aksidenti. Ato janë janë 20, 52 dhe 57 vjeçe, tha policia.

Rrjeti gjerman i supermarketeve Rewe Group shprehu të dielën keqardhje për të lënduarit dhe të gjithë ata që ishin në ndërtesë në kohën e incidentit.

Rënia e pjesshme e çatisë së dyfishtë shkaktoi dëme të konsiderueshme në ndërtesë dhe madje thuhet se është në rrezik shembjeje të mëtejshme.