Ky është personi që sulmoi policin në “Fast Food”
Një incident shqetësues ka ndodhur sot në fshatin Doganaj të Kaçanikut, ku një i mitur ka kanosur dhe sulmuar një zyrtar policor.
Sinjali mëson se i dyshuari është Artin Selmani, 18-vjeçar i cili rreth orës 12:30 kishte hyrë në një Fast Food ku viktima, zyrtari policor, po priste ushqimin dhe e kishte ofenduar, kanosur e më pas edhe sulmuar atë.
Policia ka ndërhyrë menjëherë, duke e shoqëruar të dyshuarin në stacionin policor. Lidhur me rastin është njoftuar prokurori, i cili ka urdhëruar që 18-vjeçari të mbahet për 48 orë.
Rasti është cilësuar si “Kanosje ndaj personit zyrtar” dhe po hetohet nga organet kompetente.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
