Për motive xhelozie, burri e bën gruan për spital

Një rast i rëndë dhune në familje është raportuar mbrëmë në Fushë Kosovë, ku një grua ka denoncuar bashkëshortin e saj për ushtrim dhune fizike.

Ngjarja ka ndodhur më 7 shtator, rreth orës 19:30, në rrugën “Shefki Kuleta”, ku dyshohet se pas një mosmarrëveshje verbale, burri ka sulmuar fizikisht bashkëshorten e tij.

Të dy palët janë shoqëruar në Stacionin Policor të Fushë Kosovës. Viktima është intervistuar nga hetuesit e dhunës në familje dhe i është ofruar ndihma mjekësore, ndërsa i dyshuari është marrë në pyetje në prani të avokatit mbrojtës.

Sipas deklarimit të viktimës, konflikti ka ardhur si pasojë e xhelozisë së bashkëshortit.

Prokurori i rastit ka udhëzuar që rasti të iniciohet si “Dhunë në familje”, ndërsa ndaj të dyshuarit është lëshuar aktvendim për ndalim prej 48 orësh.