Kjo është gjendja e të lënduarve nga aksidenti që ndodhi sot
Personat e lënduar në aksidentin që ndodhi sot afër Sllatinës janë dërguar për trajtim mjekësor në QKUK.
Shefi i Emergjencës, Naser Syla, tha se ata janë në gjendje stabile.
“Janë duke u realizuar ekzaminimet e nevojshme në Qendrën Emergjente”, tha ai.
Zëdhënësi i policisë, Daut Hoxha, tha se aksidenti ka ardhur pasi shoferi i kamionit ka humbur drejtimin dhe ka kaluar në anën e kundërt të rrugës dhe ka goditur katër automjete.
“Sot, rreth orës 14:35, në rrugën nacionale Prishtinë – Pejë, ka ndodhur një aksident i rëndë trafiku , ku dyshohet se drejtuesi i një automjeti transportues (kamion) me targa vendore ka humbur drejtimin e mjetit, ka kaluar në anën e kundërt të rrugës dhe ka goditur katër automjete të tjera”.
“Policia e Kosovës apelon tek të gjithë pjesëmarrësit në trafik e ne veqanti shoferët të respektojnë rregullat dhe shenjat e trafikut, të përshtatin shpejtësinë me kushtet e rrugës dhe të kenë kujdes të shtuar gjatë drejtimit të mjeteve, në mënyrë që të shmangen ngjarje të tilla të rënda që rrezikojnë jetën dhe shëndetin e qytetarëve”.
