Tërhiqet nga gara një nga kandidatët për udhëheqës të Prishtinës
Nedime Belegu është tërhequr nga gara për kryetare të Prishtinës.
Nedime Belegu po garonte me numrin 128 dhe me partinë Epoka e Hyjneshës në Prishtinë.
Ajo ka thënë për Kohën se për arsye shëndetësore nuk do të marrë pjesë në zgjedhje.
Zgjedhjet e rregullta lokale mbahen më 12 tetor dhe të drejtë vote kanë 2 milionë e 69 mijë e 98 votues, prej tyre rreth 44 mijë jashtë Kosovës.
Janë gjithsej 2571 vendvotime dhe 910 qendra votimi.
Ndërkohë, Komisioni Qendror i Zgjedhjeve ka miratuar përmbajtjen dhe dizajnin e fletëvotimeve për zgjedhjet lokale për kryetar të komunave dhe kuvende komunale.
