Policia jep detaje për therjen me thikë te Xhamia e Llapit

Një therje me thikë ka ndodhur në kryeqytet në rrugën “Ilir Konushevci”.

Rastin e ka konfirmuar për Gazetën Online Reporteri.net, zëdhënësi i policisë për Prishtinën, Enis Pllana i cili tha se viktima është dërguar për tretman mjekësor.

“Sot rreth orës 14:30 kemi marrë informatën për një lëndim trupor të ndodhur në Rr. Ilir Konushevci në Prishtinë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një person i cili është dërguar për trajtim mjekësor”, tha Pllana për Reporteri.net.