3 persona arrestohen pas therjes me thikë te Xhamia e Llapit

Një përleshje e dhunshme ka ndodhur sot pasdite në kryeqytet, ku një person ka mbetur i lënduar me thikë.

Burime të Sinjalit bëjnë të ditur se rasti ka ndodhur tek kafja “TADON” në rrugën Ilir Konushefci, ku pas një rrahjeje ka ardhur deri tek therja me një mjet të mprehtë.

Policia ka dalë menjëherë në vendin e ngjarjes, ku janë angazhuar njësitë përkatëse, përfshirë Hetuesinë dhe Krim-teknikën. Viktima është dërguar për trajtim në QKUK dhe sipas informacioneve është jashtë rrezikut për jetë.

Nga vendi i ngjarjes, policia ka shoqëruar tre persona për intervistim në stacion policor, ndërsa hetimet për zbardhjen e plotë të rastit janë në vazhdim.