Rrahje me shufra në Podujevë
Një rast i dhunës mes të miturve është raportuar mbrëmë në Podujevë, ku një 15-vjeçar ka përfunduar me lëndime trupore pasi është sulmuar me mjete të forta.
Ngjarja ka ndodhur më 9 shtator, rreth orës 17:00, në rrugën “Besnik Restelica”, afër marketit “Koha”. Viktima rreth 15-vjeçar ka raportuar në polici se ishte sulmuar nga dy persona, të cilët e kishin goditur me pendrek (shufër) , duke i shkaktuar lëndime trupore.
Pas raportimit, Prokuroria ka urdhëruar që rasti të iniciohet si “Lëndim i lehtë trupor”.
Më vonë, rreth orës 23:00, në stacionin policor është paraqitur rreth 15-vjeçar së bashku me familjarin e tij, ku pas intervistimit në prani të avokatit mbrojtës, ka pranuar se e kishte goditur viktimën dy herë me shufër metalike në shpinë dhe më pas ishte larguar nga vendi i ngjarjes.
Me urdhër të Prokurorisë, i dyshuari është ndaluar për 24 orë.
