LAJMI I FUNDIT: 16 vjeçari humb jetën pas rrokullisjes me traktor

Një ngjarje tragjike ka ndodhur sot në fshatin Zemanic të Leposaviqit, ku një 16-vjeçar ka humbur jetën pasi traktori me të cilin po punonte është rrotulluar.

Sipas Policisë së Kosovës, rasti është raportuar rreth orës 11:00 nga Qendra Kryesore e Mjekësisë Familjare në Leposaviq. Njësitë policore kanë dalë menjëherë në vendngjarje, ndërsa stafi mjekësor ka konstatuar se viktima kishte ndërruar jetë.

Viktima është identifikuar si D.P., 16 vjeç. Bazuar në dëshmitë e para, i mituri ishte duke tërhequr një lis me traktor dhe si pasojë mjeti është rrotulluar, duke e zënë atë.

Prokurori i Shtetit është njoftuar për rastin dhe ka urdhëruar që ngjarja të iniciohet si “Vdekje e dyshimtë”. Me vendim të tij, trupi i pajetë i viktimës i është dorëzuar familjarëve.