Nxënësi 16-vjeçar i shkollës “Adem Gllavica” filmohet me thikë në dorë, policia merr masa

Posedimi i armëve të zjarrit dhe atyre të ftohta është një dukuri shqetësuese në vendin tonë, pasi që Policia vazhdimisht has në persona të armatosur të cilët cenojnë sigurinë e qytetarëve dhe rrezikojnë jetën e tyre, raporton Gazeta Sinjali.

Sinjali mëson se një rast i tillë është iniciuar dje në Lipjan, pasi një 16-vjeçar nga fshati Sllovi ka publikuar një fotografi/video në rrjete sociale ku shihej duke mbajtur një thikë në dorë.

Burimet bëjnë me dije se bëhet fjalë për E.B., rreth 16-vjeçar, nxënës i shkollës së mesme “Adem Gllavica” në Lipjan. Pas identifikimit, ai është shoqëruar për intervistim në prani të prindit dhe avokatit mbrojtës.

Prokurori i rastit është njoftuar dhe ka urdhëruar që procedura të zhvillohet në mënyrë të rregullt, me rastin e iniciuar për veprën penale “Mbajtje në pronësi, kontroll ose posedim të paautorizuar të armëve”.