Tentim-vrasje, dy persojna qëllojnë katër herë në veturën e 24 vjeçarit

Një rast i rëndë është raportuar mbrëmë në fshatin Nadakofc të Vushtrrisë, ku dyshohet për tentim vrasje me armë zjarri.

Sipas burimeve, pas një mosmarrëveshjeje të mëhershme, dy persona të moshës rreth 27 dhe 30 vjeç kanë ndjekur me veturë një 24-vjeçar.

Në një moment, pasagjeri i veturës së dyshuarve ka shtënë disa herë me armë zjarri në drejtim të veturës së tij, duke e goditur atë katër herë. Për fat të mirë, viktima nuk ka pësuar lëndime.

Në vendin e ngjarjes, Policia ka gjetur tri gëzhoja, ndërsa dy të dyshuarit janë larguar në drejtim të panjohur dhe aktualisht janë në kërkim. Me urdhër të prokurorit kujdestar, rasti është iniciuar si “Vrasje në tentativë”.