Një person përfundon në spital nga therja në Podujevë

Një incident i rëndë ka ndodhur mbrëmjen e së shtunës në qytetin e Podujevës, ku një person është therur me thikë.

Policia e Kosovës ka njoftuar se rasti ka ndodhur më 13 shtator, rreth orës 18:53, në rrugën “Zahir Pajaziti”.

Sipas informacioneve të para, viktima – një mashkull kosovar – është sulmuar me thikë nga persona ende të panjohur.

“LËNDIM TRUPOR – Rr. Zahir Pajaziti, Podujevë 13.09.2025-18:53. Raportohet se viktima mashkull kosovar është therrë me thikë nga të dyshuar të panjohur. Viktima është dërguar për tretman mjekësor. Thika e cila dyshohet të jetë përdorur në rast është konfiskuar, ndërsa lidhur me rastin është njoftuar prokurori. Rasti nën hetime.”