Arrestohet i dyshuari pas plagosjes me thikë
Ambulances photo for sale. MERCEDES-BENZ Sprinter 316 CDI Klima Rettungswagen
Një ngjarje e rëndë ka ndodhur sot rreth orës 11:10 në rrugën “Anton Qeta” në Gjakovë, ku një përleshje mes dy personave ka përfunduar me tentim vrasje.
Burime të Sinjalit bëjnë të ditur se në ambientet e jashtme të kafenesë “Caffe Park” ka shpërthyer një konflikt mes V. K. dhe R.B.. Gjatë përleshjes, i dyshuari K. ka sulmuar me thikë viktimën, duke i shkaktuar plagë të rënda trupore.
Viktima fillimisht ka marrë tretman mjekësor në QKUK – Gjakovë dhe më pas është transferuar për në QKUK – Prishtinë për trajtim të mëtejshëm.
Sipas dëshmitarëve, i dyshuari ishte i veshur me bluzë të bardhë dhe u largua nga vendi i ngjarjes me një veturë VW Golf të bardhë. Në banesën e tij, gjatë bastisjes së urdhëruar nga Prokuror, policia ka gjetur një shufër metalike dhe një elektroshok.
Me urdhër të Prokurorit të Shtetit, i dyshuari është dërguar në mbajtje për 48 orë, ndërsa rasti është kualifikuar si “Vrasje në tentative”.
