Ekskluzive: Ky është personi që u ther me thikë

Një përleshje e rëndë ka ndodhur sot paradite në rrugën “Antin Qeta” në Gjakovë, ku pas një konflikti në ambientet e jashtme të kafenesë “Caffe Park”, ka përfunduar me plagosjen e një personi me thikë.

Burime të Sinjalit bëjnë të ditur se i dyshuari Valon Kokaj, pas një mosmarrëveshjeje, ka sulmuar me thikë Rilind Barakun, duke i shkaktuar plagë të rënda trupore. Viktima fillimisht është dërguar në QKUK – Gjakovë dhe më pas është transferuar në QKUK – Prishtinë.

Sipas dëshmitarëve, Kokaj u largua nga vendi i ngjarjes me një veturë VW Golf të bardhë, por pas disa orësh kërkimi u lokalizua dhe u arrestua. Në automjetin e tij policia ka gjetur edhe thikën me të cilën dyshohet se është kryer sulmi.

Testi i alkoolit ka treguar se i dyshuari ishte nën ndikim të rëndë, me 3.23 promilë alkool në gjak.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.